Շարունակական Մասնագիտական Զարգացում ծրագիր

Ծրագրի նպատակն է բարելավել ՀՀ մարզերի առողջապահական սպասարկման որակը՝ աջակցելով ՀՀ մարզերում աշխատող բժիշկների շարունակական մասնագիտական զարգացմանը, նրանց՝ մասնագիտական նոր գիտելիքների և հմտությունների ձեռքբերմանը, մասնագիտական նոր մեթոդների և տեխնոլոգիաների յուրացմանը, ՀՀ մարզերի և մայրաքաղաքի բուժհաստատությունների միջև շարունակական կապի ձևավորմանը:

Ծրագրի գործառույթները.

Հայ օգնության ֆոնդն իրականացնում է գործնական մասնագիտական երկշաբաթյա և չորսշաբաթյա անվճար դասընթացներ Երևանի առաջատար կլինիկաներում։

Ծրագրում ընդգրկվելու ընթացակարգ

Ծրագրին դիմելու/մասնակցելու համար, պետք է լրացնել ծրագրի դիմումը առցանց։ Բոլոր դիմումները, քննարկվում են ընտրող հանձնաժողովի կողմից, դիմողի նախընտրած ժամկետից 2 ամիս առաջ՝ հիմնվելով սահմանված բացարձակ և հարաբերական չափորոշիչների վրա։ Ընտրված մասնակիցը ստանում է պաշտոնական հրավեր՝ ծրագրի մեկնարկից 1 ամիս առաջ։ Հրավերի ստացումը, ինչպես նաև ծրագրին մասնակցությունը պետք է հաստատել կամ էլ․ հաղորդագրությամբ կամ հեռախոսազանգով։ Հրավերը համարվում է պաշտոնական փաստաթուղթ գործատուին տրամադրելու համար։

Չորսշաբաթյա վերապատրաստման ծրագիր

Չորսշաբաթյա վերապատրաստման ծրագրին կարող են մասնակցել Հայաստանի և Արցախի բուժհաստատություններում աշխատող բժիշկները ներքոհիշյալ բոլոր մասնագիտություններով:

Կրթավճարի տրամադրում

1. Ծրագրում ընդգրկված մասնակիցը ստանում է կրթավճար՝ տրանսպորտային ծախսերի և օրապահիկի համար
   • Ծրագրին առաջին անգամ մասնակցողները կստանան կրթավճարի 100%-ը, երկրորդ անգամ մասնակցողները՝ 75%-ը, երրորդ անգամ մասնակցողները 50%-ը։
   • Կեցության հնարավորության տրամադրում

Ծրագիրը հաստատված է ՀՀ առողջապահության նախարարության կողմից և տրամադրում է ՇՄԶ կրեդիտներ

Ծրագրին դիմելու համար անհրաժեշտ պայմանները.

Բացարձակ չափորոշիչներ

• Մասնագիտական արտնոագրի և ՀՀ որևէ մարզային կամ Արցախի բժշկական հաստատությունում մշտական աշխատանքի մասին վկայող փաստաթուղթ
• Առնվազը 3 տարվա մասնագիտական աշխատանքային փորձ
• Ծրագրին մասնակցելու հիմնավորում՝ իրատեսական արդյունքների ակնկալիքով
• Ոչ պակաս քան 2 տարի անց /ակնկալվող դասընթացի թեմայով / վերջին ՇՄԶ դասընթացից
• Յուրաքանչյուր մասնակից կարող է առավելագույնը 3 անգամ օգտվել ծրագրից

Հարաբերական չափորոշիչ

• Մասնակցի տարիքային սահմանները՝ 27-63 տարեկան

Ծրագրին դիմելու կարգը

 1. Առցանց րացրեք դիմումաձևը (պատասխանել բոլոր հարցերին)

Ներկայում կազմակերպվող դասընթացների թեմաներն են

• Անեսթեզիոլոգիա – անեսթեզիոլոգներ (ներբեռնել ուսումնական պլանը)
• Գաստրոէնտերոլոգիա և հեպատոլոգիա (ներբեռնել ուսումնական պլանը)
• Ընդհանուր թերապիա – ընտանեկան բժիշկներ, թերապևտներ (ներբեռնել ուսումնական պլանը)
• Թոքաբանություն – թոքաբաններ, ընտանեկան բժիշկներ (ներբեռնել ուսումնական պլանը)
• Լաբորատոր ախտորոշում – բժիշկ լաբորանտներ (ներբեռնել ուսումնական պլանը)
• Ճառագայթային ախտորոշում – ճառագայթային ախտորոշման մասնագետներ (ներբեռնել ուսումնական պլանը)
• Մանկաբարձություն – գինեկոլոգիա – մանկաբարձ – գինեկոլոգներ (ներբեռնել ուսումնական պլանը)
• Մանկաբուժություն – մանկաբույժներ, ընտանեկան բժիշկներ (ներբեռնել ուսումնական պլանը)
• Մանկական վարակաբանություն (ներբեռնել ուսումնական պլանը)
• Ալերգոլոգիա և կլինիկական իմունոլոգիա (թիրախային լսարան՝ ալերգոլոգներ, ընտանեկան բժիշկներ, մանկաբույժներ, թոքաբաններ) (ներբեռնել ուսումնական պլանը)
• Մանկական ինտենսիվ թերապիա – մանկական ինտենսիվ թերապիայի մասնագետներ (ներբեռնել ուսումնական պլանը)
• Մանկական վիրաբուժություն – մանկական վիրաբույժներ (ներբեռնել ուսումնական պլանը)
• Նեոնատոլոգիա և նորածինների անհետաձգելի բուժօգնություն -նեոնատոլոգներ,մանկաբույժներ (ներբեռնել ուսումնական պլանը)
• Ներզատաբանություն – ներզատաբաններ, ընտանեկան բժիշկներ (ներբեռնել ուսումնական պլանը)
• Նյարդաբանություն – նյարդաբաններ, ընտանեկան բժիշկներ (ներբեռնել ուսումնական պլանը)
• Սրտաբանություն – սրտաբաններ, ընտանեկան բժիշկներ (ներբեռնել ուսումնական պլանը)
• Վիրաբուժություն – վիրաբույժներ (ներբեռնել ուսումնական պլանը)
• Վնասվածքաբանություն – վնասվածքաբաններ (ներբեռնել ուսումնական պլանը)
• Ուլտրաձայնային հետազոտություն – ուլտրաձայնային հետազոտության մասնագետներ (ներբեռնել ուսումնական պլանը)
• Ուրոլոգիա – ուրոլոգներ (ներբեռնել ուսումնական պլանը)
• Քիթ-կոկորդ – ականջաբանություն – քիթ կոկորդ ականջաբաններ (ներբեռնել ուսումնական պլանը)
• Մանկական ակնաբուժություն – մանկական ակնաբույժներ, ակնաբույժներ (ներբեռնել ուսումնական պլանը)

2. Դիմումին կցեք նաև ներքոնշյալ փաստաթղթերը․

• մեկ 3×4սմ չափի դիմանկար (կամ սկանը)
• անձնագրի պատճեն (կամ սկանը)
• բժշկական համալսարանի և հետդիպլոմային կրթության (ինտերնատուրա, օրդինատուրա) դիպլոմների պատճեները (կամ սկանը)
• համառոտ ինքնակենսագրություն, որի ձևն արդեն ներառված է դիմումաձևի մեջ

Ավագ բուժքույրերի շարունակական մասնագիտական զարգացման գործընթաց

Ծրագրի նպատակն է բարելավել ՀՀ մարզերի բնակչության առողջապահական սպասարկման որակը՝ աջակցելով ՀՀ մարզերում աշխատող ավագ բուժքույրերի շարունակական մասնագիտական զարգացմանը, նրանց՝ մասնագիտական նոր գիտելիքների և հմտությունների ձեռքբերմանը, ՀՀ մարզերի և մայրաքաղաքի բուժհաստատությունների միջև շարունակական կապի ձևավորմանը:

1. Ծրագրի գործառույթները

Ծրագրի շրջանակներում մասնակիցներն անցնելու են 5 օրյա տեսական և դրան հաջորդող 8 օրյա տեսագործնական դասընթաց։ 5 օրյա տեսական գործընթացն իրականանալու է առցանց՝ Zoom հարթակի միջոցով, իսկ 8 օրյա տեսագործնական դասընթացն ընթանալու է առկա՝ «Արաբկիր» ԲՀ ԵԴԱԻ-ում։

2. Ծրագրում ընդգրկվելու ընթացակարգ

Ծրագրին դիմելու և մասնակցելու համար, անհրաժեշտ է լրացնել ծրագրի դիմումն առցանց։ Բոլոր դիմումները քննարկվում են ընտրող հանձնաժողովի կողմից՝ հիմնվելով սահմանված բացարձակ և հարաբերական չափորոշիչների վրա։ Ընտրված մասնակիցը ստանում է պաշտոնական հրավեր, որի ստացումը և ծրագրին մասնակցությունը պետք է հաստատել կամ էլ․ հաղորդագրությամբ կամ հեռախոսազանգով։ Հրավերը համարվում է պաշտոնական փաստաթուղթ գործատուին տրամադրելու համար։

Ծրագրի թեմաներին կարող եք ծանոթանալ՝ ներբեռնելով ուսումնական պլանը։

3. Հաշվի առնվող չափորոշիչներ

a. Բացարձակ չափորոշիչներ

• Մասնագիտական արտնոագրի և ՀՀ որևէ մարզային կամ Արցախի բժշկական հաստատությունում մշտական աշխատանքի մասին վկայող փաստաթուղթ
• Առնվազը 3 տարվա մասնագիտական աշխատանքային փորձ
• Ծրագրին մասնակցելու հիմնավորում՝ իրատեսական արդյունքների ակնկալիքով
• Յուրաքանչյուր մասնակից կարող է առավելագույնը 3 անգամ օգտվել ծրագրից

b. Հարաբերական չափորոշիչներ

• Աշխատանքային գործունեությունը՝ սահմանամերձ մարզ
• Տարիքային սահման՝ 27 – 55 տարեկան

4. Այլ մանրամասներ

• Ծրագրում ընդգրկված մասնակիցը ստանում է կրթավճար՝ տրանսպորտային ծախսերի և օրապահիկի համար։ Ծրագրին առաջին անգամ մասնակցողները կստանան կրթավճարի 100%-ը, երկրորդ անգամ մասնակցողները՝ 75%-ը, երրորդ անգամ մասնակցողները 50%-ը։
• Կեցության հնարավորության տրամադրում Երևանում՝ սահմանամերձ մարզերում բնակվող մասնակիցներին
• Ծրագիրը հաստատված է ՀՀ առողջապահության նախարարության կողմից և տրամադրում է ՇՄԶ կրեդիտներ